परिचय

हजारौं बर्षदेखि जातीय भेदभाव, अन्याय र उत्पीडनमा बाँच्न बाध्य पारिएका दलित सामाजिक, आर्थिक, शैक्षिक तथा राजनैतिक रुपले पछाडि परेका छन् । जसका कारण शिक्षा, स्वास्थ्य र आमसञ्चारमा उनीहरुको पहुँच पुग्न सकेको छैन । एकता फाउण्डेशन नेपाल यिनै उत्पीडित तथा सिमान्तकृत दलित एवं उत्पीडित समुदायको शिक्षा, स्वास्थ्य, आमसञ्चार र न्यायमा पहूँचवृद्धिको लागि २०६३ साल माघ १ गते जि.प्र.का. काठमाठडौंमा विधिवत् दर्ता भई सञ्चालनमा आएको एक गैरसरकारी संस्था हो । यसले समाज कल्याण परिषद र आन्तरिक राजश्व कार्यालयसंग आबद्धता प्रमाणपत्र पनि लिइसकेको छ । यो संस्था तीनै उत्पीडित एवं सिमान्तकृत दलित समुदायका क्रियाशिल युवा तथा सञ्चारकर्मीहरुको साझा प्रयासमा स्थापना भएको हो ।

यस संस्थाले स्थापना कालदेखि नै आफ्नो उद्देश्य अनुसारका विभिन्न प्रभावकारी एवं सृजनात्मक कार्यक्रम सम्पन्न गर्दै दलित आन्दोलनमा समेत सक्रिय सहभागिता देखाउदै अघि बढिरहेको छ । जसका कारण छोटो समयमै लोकप्रियता हासिल गरेको छ ।